Slökkvilið

Starfssvæði Slökkviliðs Skagastrandar er Skagaströnd og Skagabyggð og nær frá Laxá í Refasveit að Skagatá.
Slökkviliðið hefur yfir að ráða einum dælubíl af gerðinni MAN TGM 13.290 árgerð 2020, sem hefur 3000 l/mín dælugetu auk ýmiskonar aukabúnaðar svo sem lausrar dælu, rafstöðvar, björgunarsög og keðjusög.

Slökkvilið Skagastrandar samanstendur af 15 manna útkallsliði, en slökkviliðsstjóri er ráðinn í hlutastarf og annast rekstur slökkviliðsins á grundvelli laga, reglugerða og samninga þar um. Stjórn útkalla er á ábyrgð slökkviliðsstjóra eða staðgengils hans hverju sinni. Slökkviliðsstjóri ber ábyrgð á daglegri stjórn gagnvart sveitarstjórn og í forföllum hans ber varaslökkviliðsstjóri þá ábyrgð.

Samstarf er milli lögreglu, björgunarsveita og slökkviliðsins enda er það hluti af almannavarnarkerfi Húnavatnssýslna. Slökkviliðsstjóri sér um eldvarnareftirlit á starfssvæði slökkviliðsins.

Slökkviliðsstjóri er Jón Ólafur Sigurjónsson (slokkvilid@skagastrond.is) 868-2842

Aðstoðarvarðstjórar eru Gísli Björn Reynisson og Ragnar Már Björnsson