Frá Kjörstjórn Sveitarfélagsins Skagaströnd

Frestur til að skila inn framboðslistum vegna sveitarstjórnarkosninganna 14. maí 2022 rann út kl. 12 á hádegi föstudaginn 8. apríl 2022.
Aðeins einn listi barst kjörstjórn fyrir sett tímamörk.

Kjörstjórnin framlengir hér með tímafrest til að leggja fram framboðslista um tvo sólarhringa, það er til klukkan 12 á hádegi þann 10. apríl 2022.

Tekið verður á móti framboðslistum milli klukkan 11:00 og 12:00 sunnudaginn 10. apríl 2022 að Einbúastíg 2 á Skagaströnd.

Komi ekki fram nýr framboðslisti áður en frestur er útrunninn verður framkominn framboðslisti sjálfkjörinn.

Kjörstjórnin