Fuglaskoðunarhús formlega opnað á morgun fimmtudag 30. maí

Á morgun verður formleg opnun á fuglaskoðunarhúsinu á Spákonufellshöfða. 

Klukkan 17:00 verður gengið frá bílastæðinu syðst á höfðanum, við Salthúsið. Einnig er hægt labba upp frá Tjaldklauf, sunnan við Bankastræti.  Vinsamlegast gangið ekki upp frá Laufási. 

Hægt er að leggja bílum á planinu syðst á höfðanum, þar sem gömlu tankarnir voru og við sundlaugina. 

Eitthvað er um Kríu á höfðanum, gott er að taka með sér prik eða golfkylfu. 

Frekari merkingar um aðkomu að húsinu verða settar upp í sumar.

Vonumst til að sjá sem flest.