Leigufélagið Bríet og Svf. Skagaströnd óska eftir byggingaraðilum
Leigufélagið Bríet og Sveitarfélagið Skagaströnd óska eftir byggingaraðilum til að taka þátt í uppbyggingu íbúða í sveitarfélaginu.
Sveitarfélagið Skagaströnd og Leigufélagið Bríet stefna á uppbyggingu á hagkvæmum leiguíbúðum á Skagaströnd og auglýsa því eftir byggingaraðilum til samstarfs.
Byggingaraðili skal vera aðalverktaki og annast framkvæmd verkefnis í samráði við sveitarfélagið og Leigufélagið Bríeti.
Gögn fyrir samstarfsaðila er hægt að nálgast með að senda tölvupóst á drifa@briet.is eða sveitarstjori@skagastrond.is og skal umsóknum byggingaraðila skilað fyrir mánudaginn 1. ágúst 2022 á framangreind netföng.
Við val á byggingaraðilum til samstarfs verður tekið tillit til reynslu aðila ásamt hagkvæmni og gæðum lausna.
Nánari upplýsingar veita Drífa Valdimarsdóttir framkvæmdastjóri Bríetar (drifa@briet.is), Elmar Erlendsson verkefnastjóri hjá Tryggð byggð (elmar.erlendsson@hms.is) og Alexandra Jóhannesdóttir sveitarstjóri Sveitarfélagsins Skagastrandar.
