Mynd vikunnar

Ljósmynd: Ólafur Bernódusson

Guðný Björnsdóttir lést 20. janúar síðast liðinn.

Guðný var hæglát kona sem kærði sig ekki um að vera miðpunktur athyglinnar. Dugleg og með ríka stéttarvitund eyddi hún frístundum með blómunum sínum í garðinum, sem bar grænum fingrum hennar fagurt vitni. Fyrst og fremst var Guðný þó eiginkona og móðir, sem alltaf var til staðar fyrir sitt fólk. Eftir nokkra vanheilsu síðustu misseri hefur hún nú ferð sína inn í ljósið þar sem hennar bíða ástvinir sem áður fóru í það ferðalag. Sorg og söknuður situr eftir hjá hennar nánustu sem þó eiga huggun í minningum um þessa ljúfu konu. Samúð okkar er með þeim sem nú syrgja Guðnýju Björnsdóttur.

Útför Guðnýjar verður frá Hólaneskirkju klukkan 14:00 föstudaginn 4. febrúar.

Ljósmyndasafn Skagastrandar