Mynd vikunnar

 
Húni Hu 1 á síldveiðum

Myndin var tekin um borð í Húna Hu 1 sumarið 1964 þegar 
hann var á síldveiðum. Á myndinni er verið að þurrka upp 
úr nótinni til að hægt sé að háfa síldina um borð. Karlarnir þurftu að 
draga netið/nótina inn á höndum til að mynda poka á móti korkateininum 
sem sést hanga strekktur í bómunni að framan. Síðan var háfnum sökkt í 
síldarkösina og hann hífður fullur um borð og þar hleypt úr honum. 
Karlarnir á myndinni eru óþekktir nema Gunnlaugur Árnason 
(d.14.9.2016)stýrimaður sem er fremstur og næstur honum er 
Herbert Ólafsson (d. 25.4.2007). 
Myndina tók Páll J. Pálsson frá Bakka en hann var háseti á Húna á 
þessum tíma.

Senda upplýsingar um myndina