Stóra upplestrarkeppnin
19.04.2005
Keppendur frá Höfðaskóla
Þrír nemendur í 7. bekk Höfðaskóla kepptu í hinni árlegu Framsagnarkeppni grunnskólanna í Húnaþingi sem haldin var 14. apríl á Laugabakka. Það voru þau Alexandra Ólafsóttir, Kristján Ýmir Hjartarson og Laufey Inga Stefánsdóttir.
Keppendur voru alls 12 frá öllum grunnskólum á svæðinu.
Þarna voru margir úrvals lesarar og erfitt hlýtur að hafa verið að gera upp á milli þeirra. Krakkarnir okkar voru í þeim hópi, þau stóðu sig með svo mikilli prýði að klappliðið var að rifna úr stolti.
Veitt voru verðlaun fyrir þrjú fyrstu sætin og sigurvegarinn var Alexandra okkar.
(Heimild http//hofdaskoli.skagastrond.is)
