Fréttir

Fréttatilkynning Meginstarfsemi Fæðingarorlofssjóðs flutt til Hvammstanga Félagsmálaráðherra hefur ákveðið að meginstarfsemi Fæðingarorlofssjóðs verði staðsett á Hvammstanga. Frá 1. janúar 2007 flyst starfsemi sjóðsins til Vinnumálastofnunar og hefur ráðherra við þessa ákvörðun falið forstjóra Vinnumálastofnunar og starfsmönnum hans að undirbúa flutninginn. Gert er ráð fyrir að um 10 stöðugildi verði við starfsemi sjóðsins á Hvammstanga. Á fjárlögum fyrir árið 2006 er gert ráð fyrir 7 milljörðum króna til greiðslu fæðingarorlofs og eru viðskiptavinir sjóðsins á milli sjö og átta þúsund á ári hverju. Umsýsla atvinnuleysistrygginga flutt til Skagastrandar Félagsmálaráðherra hefur ákveðið að umsýsla atvinnuleysistrygginga fari fram og verði staðsett á Skagaströnd. Með gildistöku nýrra laga þann 1. júlí næstkomandi um atvinnuleysistryggingar mun Vinnumálastofnun annast alla stjórnsýslu og umsýslu atvinnuleysistrygginga samkvæmt sérstökum samningi við stjórn Atvinnuleysistryggingasjóðs, sbr. 3. mgr. 6. gr. laganna. Með þessum breytingum er ætlunin að tryggja enn betur hagræði, samræmi og faglegri vinnubrögð við ákvörðun um rétt innan atvinnuleysistryggingakerfisins og umsýsla fari fram á einum stað fyrir landið allt í stað margra áður. Gert er ráð fyrir að um 6–8 stöðugildi verði við starfsemi í reiknistofu atvinnuleysistrygginga. Heimild: Fréttavefur Félagsmálaráðuneytis

FUNDARBOÐ Fundur verður haldinn í hreppsnefnd Höfðahrepps miðvikudaginn 28. júní 2006 á skrifstofu hreppsins kl 1600. Dagskrá: 1. Kosning oddvita og varaoddvita 2. Tillaga um ráðningu sveitarstjóra 3. Breytingar á samþykkt um stjórn og fundarsköp hreppsnefndar 4. Kosning í nefndir, ráð og stjórnir 5. Önnur mál Sveitarstjóri

Í morgun, 20 júní hófst frístundastarf á vegum UMF Fram og Höfðahrepps. Námseiðið mun standa í 8 vikur eða fram til 17. ágúst og verður á þriðjudögum, miðvikudögum og fimmtudögum kl: 10:00 - 12:00. Starfið er opið fyrir börn fædd á árunum 1993 - 2000. Það verða meðal annars gróðursettar matjutir, smíðaðir kofar, farið í íþróttir og leiki ásamt ýmis konar vettvangsferðum. Starfsemin mun fara fram á íþróttavellinum og sunnan hans. Fyrstu vikuna er mest hugað að undirbúningi á matjurtagörðum og gróðursetningu svo að stígvél og hlífðarfatnaður kemur sér vel. P.S. Ágætu foreldrar, ömmur, afar, frænkur, frændur og aðrir bæjarbúar Börnin hafa mjög gaman af því að hafa fullorðna með í leik og starfi. Því þætti okkur vænt um að þið gæfuð ykkur tíma til að koma og starfa með okkur og börnunum stund og stund eða dag og dag. Sérstaklega væri gaman að fá fólk með "græna fingur" núna fyrstu dagana, börnunum til aðstoðar.

Í gær var kynnt á Evrópska efnahagssvæðinu forval vegna framkvæmda við áframhaldandi uppbyggingu á GSM farsímakerfinu á hringveginum og fimm fjallvegum. Eru þessir vegarkaflar samanlagt um 500 km. Meðal kafla þar sem sambandið verður bætt má nefna Norðurárdalur, Öxnadalsheiði, Möðrudalsöræfi, Jökuldalur, Skriðdalur og Breiðdalur, Hvalnesskriður, Öræfi og Sólheimasandur. Auk þessara kafla á hringveginum verður GSM-samband bætt á fimm fjallvegum: Fróðárheiði, Steingrímsfjarðarheiði, Þverárfjalli, Fjarðarheiði og Fagradal. Þessir fjallvegir eru meðal annars valdir út frá slysatíðni og meðalumferð á sólarhring. Auk þessara svæða sem þarna eru nefnd eru í útboðinu nokkur svæðum í Húnaþingi sem eru sambandslaus eins og t.d. við Bólastaðarhlíð, kaflinn frá Hólabaki að Stóru Giljá svo og dauðir kaflar Húnaþingi vestra. 2,5 milljörðum króna, sem er hluti af söluandvirði Símans, verður varið til að hrinda fjarskiptaáætluninni í framkvæmd og er GSM-útboðið fyrsta verkefnið sem fjarskiptasjóður ýtir úr vör. Fjarskiptaáætlunin gerir ráð fyrir að GSM-farsímanetið verði þétt þar sem það gegni mikilvægu hlutverki sem öryggistæki fyrir almenning, ekki síst á fáförnum köflum á þjóðvegum landsins. Í næsta áfanga verður hugað að því að bæta sambandið víðar á stofnvegum landsins og við helstu ferðamannastaði. Forvalið verður auglýst á Evrópska efnahagssvæðinu og þeir sem áhuga hafa á þátttöku skulu skila tilkynningu sinni til Ríkiskaupa. Þar sem gera verður ráð fyrir rúmum tíma fyrir allt útboðsferlið er áætlað að verksamningur verði undirritaður í byrjun næsta árs. Meðfylgjandi kort (pdf) sýnir svæðin þar sem boðin verða út. Heimild: www.stjr.is Frétt af www.huni.is

AFMÆLISÁR 2006 UMF FRAM, 80 ÁRA, 1926-2006 AFMÆLISHÁTÍÐ - VÍÐAVANGSHLAUP Sunnudaginn næstkomandi 18. júní ætlar U.M.F. Fram að halda víðavangshlaup og í framhaldi af því að stofna til afmælishátíðar. Víðavangshlaupið hefst kl 16:00 og eiga keppendur og stuðningsfólk að mæta við gamla pósthúsið. Eftir að hlaupinu lýkur höldum við afmælishátíð þar sem verður grillað og farið í leiki. KOMUM SAMAN OG HÖFUM GAMAN. Stjórn U.M.F. Fram

Föstudaginn 16. júní kl 17.00 verða stórtónleikar norrænna karlakóra í íþróttahúsinu á Skagaströnd. Þá munu karlakórar frá vinabæjum Skagastrandar í Ringerike, Växjö og Lohja syngja ásamt Karlakór Bólstaðarhlíðarhrepps. Dagskráin er þannig upp byggð að kórarnir syngja bæði hver fyrir sig og allir saman. Okkur býðst því einstakt tækifæri til að heyra skemmtilegan söng frá öðrum norðurlöndum og jafnframt hlýða á stærsta karlakór sem sungið hefur í Húnaþingi. Tónleikarnir eru öllum opnir og aðgangseyrir 1000 kr. Ókeypis fyrir 12 ára og yngri. Karlakór Bólstaðarhlíðarhrepps og Höfðahreppur.

Dagskrá sjómannadagsins á Skagaströnd helgina 9.-10. júní 2006 Föstudagurinn 9.júní 2006. 21:00-24:00 Unglingadansleikur. Hljómsveitin Ulrik leikur fyrir dansi í Fellsborg Aldurstakmark 11-16 ára (árg.1990-1995).Meðferð áfengis er bönnuð. Laugardagur 10.júní 2006. KL. 09:00 Skemmtisigling með Örvari HU 2 KL. 10:30 Skrúðganga frá höfninni til kirkju undir forystu lögreglumanna. KL. 11:00 Sjómannadagsmessa í Hólaneskirkju. Að messu lokinni verður lagður blómakrans við minnismerki drukknaðra sjómanna til að heiðra minningu þeirra. KL. 13:30 Skemmtun á hafnarhúsplani. Kappróður - leikir - skemmtikraftar. KL. 15:30 Kaffisala og listsýning í Höfðaskóla. Rósa Björk Blöndal Einarsdóttir sýnir blýantsteikningar. KL. 17:00 Bíó í Fellsborg. Sýnd verður myndin Ace Age 2, miðaverð 500 kr. KL. 23:00 Stórdansleikur í Fellsborg. Hljómsveitnin Ulrik leikur fyrir dansi til kl.03:00 Góða Skemmtun. Björgunarsveitin Strönd

Sýning á teikningum(skopteikningum) Sveinbjörns Blöndal opnar í KaffiViðvík, Skagaströnd föstudaginn 9. júní. Sveinbjörn Blöndal er fæddur árið 1932 og ólst upp á Siglufirði. Sveinbjörn stundaði nám í Myndlista og –handíðaskóla Íslands. Hann hefur haldið myndlistasýningar víða um land og hafa verk hans fengið mjög góðar viðtökur. Sveinbjörn Blöndal bjó lengst af á Skagaströnd en flutti fyrr nokkrum árum til Hafnarfjarðar. Á þessari sýningu er brugðið upp nokkrum teikningum hans með sérstakri áherslu á skopmyndir. Er þetta í fyrsta sinn sem sérstök sýning er haldin á þessum verkum listamannsins. Opnunartími Kaffi Viðvíkur í sumar. Sunnudaga – fimmtudaga kl:14:00- 22:00 Föstudaga og laugardaga kl:14:00- 23:30

Nú höldum við að sumarið sé örugglega komið. Kaffi Viðvík opnar föstudaginn 9. júní kl:14:00. Sýning á teikningum eftir Sveinbjörn Blöndal verður opnuð á sama tíma. Opnunartími kaffihússins í sumar: Sunnudaga – fimmtudaga kl: 14:00 – 22:00 Föstudaga og laugardaga kl: 14:00 – 23:30 Verið velkomin Kaffi Viðvík Skagaströnd Sími 452 2840

Sumarstarf U.M.F. Fram 2006 Drög að tímatöflu: MánudagurÞriðjudagurMiðvikudagurFimmtudagur 10:00-12:00 Kofar-Frjálsar 6-13 áraKofar-Frjálsar 6-13 áraKofar-Frjálsar 6-13 ára 16:00-17:00Fótboltaskóli kk og kvk 6-9 ára Fótboltaskóli kk og kvk 6-9 ára 17:00-18:00Fótbolti kk og kvk 10-12 áraFótbolti kk og kvk 10-12 ára Fótbolti kk og kvk 10-12 ára 18:00-19:00Fótbolti kk og kvk 13-16 áraFótbolti kk og kvk 13-16 ára Fótbolti kk og kvk 13-16 ára · Kofar – Frjálsar – skólagarðar byrja samkv. tímatöflu 20. júní og standa til 11. ágúst. Umsjónarmenn: Birna Sveinsd. og Elva Þórisd. · Fótboltaskóli byrjar samkv. tímatöflu 6. júní og stendur til 15. ágúst. Umsjónarmaður: Helena Bjarndís Bjarnad. MÆTING Á SPARKVELLI. · Fótbolti byrjar samkv. tímatöflu 6. júní og stendur til 15. ágúst. Umsjónarmenn: Helena Bjarndís Bjarnadóttir og Guðmundur Kristinn Vilbergsson. Æfingagjöld fyrir sumarið: Árgangar: Kofar-frjálsar 5.000 kr Börn fædd 1993-2000 Fótboltaskóli 3.000 kr Börn fædd 1997-2000 Fótbolti 9.000 kr Börn fædd 1990-1996 GENGIÐ VERÐUR FRÁ SKRÁNINGUM FLJÓTLEGA EFTIR AÐ STARF HEFST Stjórn U.M.F Fram