Fréttir

Ekki er vitað hvenær þessi mynd var tekin en hún er af hestamönnum sem voru á námskeiði í járningum við Hrossafell. Frá vinstri : Benóný Gunnarsson, Gunnlaugur Sigmarsson, Ólafur Ágeirsson,tveir óþekktir, Guðmundur Viðar Guðmundsson með barn, Jónmundur Ólafsson, Eðvarð Ingvason (d. 29.5.2011), Magnús Blöndal (d. 7.9.2001), Jónatan Hjaltason, Þorsteinn Jónsson, Jón Garðarsson kennari á námskeiðinu, Jóhann Ásgeirsson, Ásgeir Axelsson (d. 8.6.2011), Jón Pálsson, Kári Lárusson og Sigrún Lárusdóttir. Myndina tók Magnús B. Jónsson.

  FUNDARBOÐ Fundur verður haldinn í sveitarstjórn Skagastrandar mánudaginn 21. nóvember 2016 kl 0800 á skrifstofu sveitarfélagsins.   Dagskrá: 1.   Álagningastuðlar útsvars og fasteignagjalda 2017   2.   Fjárhagsáætlun 2017-2020   3.   Félagslegar íbúðir a.    Umsóknir b.    Sala íbúða   4.   Byggðakvóti fiskveiðiársins 2016/2017   5.   Málefni fatlaðs fólks a.    Samráðshóps um málefni fatlaðra, 12.10.2016 b.    Bréf til velferðarráðherra, dags. 12.10.2016 c.    Tillaga um samstarf um málefni fatlaðs fólks d.    Skipting á hallarekstri 2016   6.   Umsagnir um rekstrarleyfi fyrir gistingu   7.   Bréf: a.    KSNV, dags. 3. nóvember 2016 b.    Grunnskólakennara, dags. 4.-7. nóvember 2016 c.    Innanríkisráðuneytisins, dags. 3. október 2016 d.    Innanríkisráðuneytisins, dags. 8. nóvember 2016 e.    Mannvirkjastofnunar, dags. 7. nóvember 2016   8.   Fundargerðir: a.    Stjórnar SSNV, 20.10.2016 b.    Stjórnar Samtaka sjávarútvegssveitarfélaga, 23.09.2016 c.    Stjórnar Hafnasambands Íslands, 12.10.2013 d.    Stjórnar Sambands ísl sveitarfélaga, 28.10.2016   9.   Önnur mál                                                Sveitarstjóri  

Árgangur 1975 Þessi mynd sýnir stærstan hluta bekkjar í Höfðaskóla með krökkum fæddum 1975. Frá vinstri á myndinni eru: Jóhannes Óskarsson, Guðmundur Henry Stefánsson, Þröstur Árnason, Börkur Árnason, Hólmfríður Anna Ólafsdóttir (Día Anna), Heiðrún Níelsdóttir, Linda Rós Rúnarsdóttir, Vilborg Jóhannsdóttir, Hafdís Ásgeirsdóttir, Soffía Lárusdóttir og Áslaug Jóhannsdóttir. Hugsanlega eru nöfn tvíburanna Áslaugar og Vilborgar ekki rétt þ.e. ekki rétt nafn við rétta stúlku en erfitt var að þekkja þær í sundur. Mynd var sennilega tekin árið 1989 eða 1990.

  Í gær þriðjudaginn 8. nóv. afhentu kennarar á Skagaströnd Magnúsi Jónssyni sveitarstjóra undirskriftir 3142 kennara á landinu, þar sem þeir fara fram á kjarabætur og bætt starfsskilyrði. Samskonar listar hafa verið afhentir víða um land.  Einnig var yfirlýsing frá KSNV afhent þar sem lýst er þungum áhyggjum af skólamálum á landinu.   Kennarar hafa í tvígang fellt kjarasamning á þessu ári og ljóst er  að enn ber mikið á milli samningsaðila, þar sem deilunni var vísað til Ríkissáttasemjara mánudaginn 7. nóv.

Ekki tókst að tengja vatnsveitu í útbænum í dag 8.nóv, eins og vonir stóðu til. Því verður vatnslaust á morgun, 9.nóv. frá hádegi og fram eftir degi.

  AKSTUR SSNV óskar eftir verktaka til að aka leið 84 Skagaströnd – Blönduós – Skagaströnd.        Sjá nánar tengil á netinu http://www.straeto.is/media/english/Leid-84.pdf Tímatafla er með eftirfarandi hætti: Frá Skagaströnd Mánudaga - föstudaga Kl. 11:59 Kl. 18:04 Kl. 21:13 Laugardaga Kl. 12.43 Kl. 18:04   Sunnu – og helgidaga Kl. 11:59 Kl. 18:04 Kl. 21:13   Frá Blönduósi                                   Mánudaga - föstudaga Kl. 13:16 Kl.18:38 Kl. 21:47 Laugardaga Kl. 13:16 Kl. 18:38   Sunnu- og helgidaga Kl. 13:16 Kl. 18:38 Kl. 21:47   Áhugasamir eru vinsamlegast beðnir að hafa sambandi við Björn Líndal Traustason framkvæmdastjóra SSNV í síma 864-8946 í síðasta lagi föstudaginn 11. nóvember.

  Vegna tenginga í vatnsveitu verður vatnslaust í útbæ vestan Lækjarbakka frá kl 14 í dag þriðjudag og fram eftir degi. Vatnsveiturstjóri

menningar- og hátíðardagskrá í Fellsborg miðvikudaginn 9. nóvember 2016 kl. 18:00 Skv. hefð er Dagur íslenskrar tungu haldinn hátíðlegur á fæðingardegi Jónasar Hallgrímssonar, 16. nóvember. Í Höfðaskóla er dagurinn einnig helgaður minningu Elínborgar Jónsdóttur fyrrverandi kennara við skólann. Af þessu tilefni mun Höfðaskóli standa fyrir menningar- og hátíðardagskrá í Fellsborg miðvikudaginn 9. nóvember n.k. Eins og undanfarin ár mun nemendafélagið Rán, með dyggri aðstoð foreldra, bjóða upp á kökuhlaðborð að lokinni dagskrá. Frítt er á dagskrána en aðgangur að kökuhlaðborði er:  1000 kr. fyrir eldri en grunnskólanemendur  500 kr. fyrir grunnskólanemendur  frítt fyrir þriðja barn frá heimili  frítt fyrir leikskólanemendur Vonumst til að sjá sem flesta í hátíðarskapi. Nemendur og starfsfólk Höfðaskóla.

Hér bregða þeir á leik, vinirnir Sigurður Bjarnason og Lárus Ægir Guðmundsson. Báðir hafa þeir átt bú sitt og ból á Skagaströnd, eru miklir Skagstrendingar og félagar og verið samstíga um margt. Lárus Ægir fyllir sjötíu árin í dag, 4. nóvember og eru honum færðar innilegar afmæliskveðjur á þeim tímamótum. Þessa mynd af þeim félögum tók Þórður Jónsson 1963, fyrir utan gamla útibúið sem stóð nokkurn veginn þar sem gangbrautin er yfir Oddagötu milli skólalóðar og Olís skálans. Útibúið var vernslunarútibú Kaupfélags Skagstrendinga (KAST).

Fyrirhugaðir eru tónleikar í tilefni af að eitt hundrað ár eru liðin frá fæðingu  Jónasar Tryggvasonar. Karlakór Bólstaðarhlíðarhrepps flytur lög eftir Jónas og frumflutt verða tvö ný lög við ljóð Jónasar. Þá mun  Ingi Heiðmar  Jónsson flytja minningabrot úr æfi Jónasar. Einnig mun Valgarður Hilmarsson fara yfir sögu Tónlistarskóla A-Hún og tónlistarfólk sem hóf nám við skólann og hafa helgað sig tónlist að meira eða minna leyti, svo og núverandi nemendur skólans flytja tónlist ásamt kennurum skólans. Hátíðin er styrkt af Uppbyggingarsjóði Norðurlands- vestra. Tónleikarnir verða í Blönduóskirkju kl 15oo laugardaginn 12 nóv. næstkomandi að lokinni dagskrá þar verður boðið upp á kaffi og meiri  tónlist í boði Tónlistarskólans í Félagsheimilinu á Blönduósi.   Fyrir hönd Tónlistarskólans og undirbúningsnefndar.  Skarphéðinn H Einarsson.