Fréttir

Forritarar framtíðarinnar í Höfðaskóla Úthlutun hefur farið fram úr sjóðnum Forritarar framtíðarinnar, en tilgangur hans er að efla tækni- og forritunarkennslu í grunn- og framhaldsskólum landsins. Sjóðnum bárust 32 umsóknir í þessari úthlutun, flestar frá grunnskólum. Höfðaskóli var einn af 11 grunnskólum sem fékk úthlutað styrk úr sjóðnum. Styrkirnir eru ýmist í formi tölvubúnaðar og/eða fjárstyrks sem fer í að þjálfa kennara til forritunarkennslu en Höfðaskóli fékk einmitt styrk til þess síðarnefnda. Sjóðurinn Forritarar framtíðarinnar var stofnaður árið 2014 og hafa veitt styrki árlega til skóla landsins. Áður hafa þrír skólar á Norðurlandi vestra hlotið styrk úr sjóðnum, Árskóli, Grunnskólinn austan Vatna og Blönduskóli. Sjóðurinn er samfélagsverkefni og eru hollvinir sjóðsins Reiknistofa bankanna, Íslandsbanki, Landsbankinn, CCP, Icelandair, Össur, Cyan, KOM, Marel og Advania. Tækni-og forritunarþekking er afar mikilvæg nú á tímum upplýsingatæknibyltingar og því eru kennarar Höfðaskóla afar spenntir að takast á við verkefnið í vetur. Frá og með næsta vetri er því gert ráð fyrir að forritun verði mikilvægur þáttur í öllu námi nemenda okkar.

Hvaladráp fyrir 100 árum Veturinn 1918 var einn hinn kaldasti sem kom á síðustu öld. Hafís þakti Húnaflóa þannig að ekki var hægt að sækja sér björg úr sjónum. Fólk frá Skagaströnd gat gengið á ísnum a.m.k. inn að Laxá í Refasveit án þess að óttast mikið að detta í vök á milli jaka. Í þessu ástandi var það því mikið fagnaðarefni þegar uppgötvaðist að fimm hvalir voru fastir í vök fram af Ytri-Ey. Þeir voru fastir þar því þeir gátu hvergi annarsstaðar komið upp til að anda. Hvalirnir voru allir drepnir í vökinni og dregnir upp á ísinn þar sem gert var að þeim og fólk gerði sér mat úr þeim. Fólk kom víða að framan úr sveitum til að fá kjötbita og fleira sem hægt var að nýta úr hvölunum. Beinunum og öðru sem ekki var notað var síðan velt ofan í vökina aftur. Á þessari einstöku mynd er fjöldi manns að vinna við að drepa og gera að einum hvalnum úr vökinni. Ein regla var sett á Skagaströnd fyrir þá sem gengu inn að vökinni en hún var sú að menn máttu ekki vera einir á ferð því þrátt fyrir allt gat alltaf komið fyrir að menn færu niður úr ísnum. Það var einmitt það sem kom fyrir mann sem var samferða þeim Steingrími Jónssyni frá Höfðakoti og Ernst Berndsen frá Karlsskála. Nafn mannsins er ekki þekkt en hann datt sem sagt í sjóinn gegnum hema yfir smá vök þegar þeir þremenningarnir voru komnir u.þ.b. hálfa leið frá Skagaströnd inn að Eyjarey. Ernst og Steingrímur drógu manninn upp og fylgdu honum til baka. Stóð það á endum að hann komst heim því þá voru fötin hans orðin svo stokkfreðin að hann var hættur að geta hreyft sig. Þegar heim kom voru fötin dregin af manninum og hann háttaður í rúmið og heitt vatn í flöskum sett undir sængina hjá honum. Ekki varð manninum meint af slysinu og var kominn á hvalskurðinn daginn eftir (skráð eftir munnlegri frásögn Steingíms Jónssonar). Myndin tók Evald Hemmert. Senda upplýsingar um myndina

Gleðilegt ár Ljósmyndasafn Skagastrandar óskar öllum gleði og gæfu á árinu 2018 um leið og safnið þakkar alla hjálp og ábendingar á árinu 2017. Minnum á að við tökum alltaf við myndum sem tengjast Skagaströnd á einn eða annan hátt. Myndin er frá áramótunum 2014 tekin af Árna Geir Ingvarssyni. Lifið heil.

FLUGELDASALA – BRENNA – BLYSFÖR-FLUGELDASÝNING Flugeldasala Björgunarsveitarinnar Strandar og Umf. Fram verður í ár að Oddagötu 4 í húsnæði Rauðakrossins. Opnunartímar verða sem hér segir: Fimmtudaginn 28. des kl. 20-22 Föstudaginn 29. des kl. 16-22 Laugardaginn 30. des kl. 16-23 Sunnudaginn 31. des kl. 11-15 ATH!! Börn yngri en 12 ára fá ekki afgreiðslu nema í fylgd með fullorðnum og unglingar yngri en 16 ára fá ekki afgreidda skotelda. Blysför - Brenna – Flugeldasýning Fyrirkomulag áramótabrennu og blysfarar verður með svipuðu sniði og undanfarin ár. Brennan verður staðsett við Snorraberg og blysför mun leggja af stað frá Fellsborg. Lagt verður af stað frá Fellsborg 20:30 og kveikt verður í brennunni um kl 20:45. Þegar góður eldur er kominn í bálköstinn sjáum við glæsilega flugeldasýningu sem styrkt hefur verið af fyrirtækjum bæjarins. Þökkum stuðninginn og með von um góða þátttöku Björgunarsveitin Strönd og Ungmennafélagið Fram

Fundarboð Boðað er til almenns fundar í Bjarmanesi á morgun fimmtudag 28.desember kl 20:00. Til fundarins boða áhugamenn um byggingu iðnaðar-/geymsluhúsnæðis á Skagaströnd og er tilgangur fundarins að ræða slíka möguleika. Allir sem hafa áhuga eru velkomnir til fundarins. Áhugamenn

Jólin 2017 Jólabarnaball á vegum Lionsklúbbs Skagastrandar verður ekki haldið í ár 2017, vegna óviðráðanlega aðstæðna. Við óskum öllum gleðilegra jóla um hátíðina og farsælt nýtt ár. Lionsklúbbur Skagastrandar.

Ljósmyndasafn Skagastrandar sendir öllum kveðju og ósk um gleðileg jól 2017 með þessari mynd. Hún er af krökkum að flytja helgileik í kirkjunni okkar á aðventukvöldi í desember 2012 og henni fylgir ósk um að allir finni barnið í sjálfum sér um jólin og njóti þeirra með þeirri gleði sem einkennir börn á jólunum. Á myndinni eru frá vinstri: Hallbjörg Jónsdóttir, Benóný Bergmann Hafliðason, Hekla Guðrún Þrastardóttir?, Dagný Dís Bessadóttir, Ástríður Magnúsdóttir, Jóhann Almar Reynisson, Dagur Freyr Róbertsson, séra Ursúla Árnadóttir, Snæfríður Dögg Guðmundsdóttir, Aníta Ósk Ragnarsdóttir og Guðný Eva Björnsdóttir. Gleðileg jól. Senda upplýsingar um myndina

Athygli lesenda vefsins er vakin á því að fundargerðir sameiningarnefndar A-Hún eru aðgengilegar undir flipanum "Sameiningamál" hægra megin á síðunni.

Opið hús @ Nes Listamiðstöð Gleðileg jól! We welcome you to the last Nes opið hús for 2017! It is a small group...only 6....but we promise it will be cozy and relaxed.... Come and see some lovely paintings, home-made tarot cards and new furniture designs! miðvikudagur 20th kl 19.00 - 21.00 Sjáumst þarna þá ! Copyright © 2017 Nes Listamiðstöð Ehf. All rights reserved. You are receiving this email because you have subscribed to our newsletter or given us your email so we can keep in touch :) How nice! Our mailing address is: Nes Artist Residency Fjörubraut 8 545 Skagaströnd http:\\neslist.is You can update your preferences or unsubscribe from this list.

Jólasveinarnir hafa samið við Foreldrafélag Höfðaskóla um að taka á móti pökkum og bréfum í skólanum fimmtudaginn 21. desember frá kl 18-20:00. Sjálfir ætla þeir síðan að koma póstinum til skila á Þorláksmessu á milli 16 og 19:00. Verð fyrir þjónustuna er eftirfarandi: Bréf 100 kr Pakki 500 kr (Ath ekki er posi á staðnum) Foreldrafélag Höfðaskóla