Rafmagnslaust verður á Litla Felli, hesthúsahverfi Skagastrandar og Vatnsveitu Hrafndal fimmtudaginn 30.11.2017 frá kl 13:00 til kl 15:45 vegna spennaskipta á Litla Felli. Mögulega kemur rafmagn á í stuttan tíma undir lok straumleysis vegna prófunar Nánari upplýsingar veitir Svæðisvakt RARIK Norðurlandi í síma 528 9690.

Sundlaug Skagastrandar verður lokuð fimmtudaginn 30.nóvember 2017 vegna árshátíðar Höfðaskóla. Sundlaugarverðir.

Jónas Skaftason Jónas Skaftason frá Dagsbrún á Skagaströnd lést 17. nóvember síðastliðinn, 76 ára að aldri. Jónas var einn af þeim sem trúðu á sjálfan sig í lífinu og gekk sína götu, sannfærður um að vera á réttri leið, hvað sem öðrum fannst. Oft var hann með storminn í fangið en hélt alltaf ótrauður áfram, teinréttur, þrátt fyrir að stundum hefði kannski verið auðveldara að beygja af leið. Jónas bjó lengst af á Skagaströnd eða Blönduósi og var einn af þessum mönnum sem setti svip á bæinn þar sem hann átti heima hverju sinni. Samúð okkar er hjá börnum hans og öðrum aðstandendum sem nú kveðja mann sem ávallt sópaði af. Útför Jónasar fer fram í kyrrþey.

Árshátíð Höfðaskóla 2017 fimmtudaginn, 30. nóv. n.k. Hátíðin hefst kl. 18:00 og verður í Fellsborg. Fjölbreytt skemmtiatriði að hætti skólans. MIÐAVERÐ: Fullorðnir: 1500 kr fyrir árshátíð og kaffihlaðborð 1000 kr fyrir árshátíð Börn: Frítt á árshátíð ; 500 kr kaffihlaðborð f grunnskólanemendur Frítt fyrir börn á leikskólaaldri.

Skarfur kemur úr kafi Í ágúst 1988 var stór kranbíll að slaka bát á sjóinn við Skúffugarðinn. Ekki fór betur en svo að stuðningsfótur kranans gaf sig og hann steyptist í sjóinn ofan á bátinn sem hann var að hífa og lenti líka á trillunni Skarfur í eigu Þorvalds Skaftasonar sem lá við garðinn. Allt fór á bólakaf, kraninn, báturinn sem verið var að hífa og Skarfur. Ung kona sem var inni í kranabílnum þegar óhappið varð slapp naumlega út um framrúðu hans eftir að hann var kominn á botninn. Á þessari mynd er síðan annar krani að hífa Skarfinn úr kafinu eftir óhappið. Senda upplýsingar um myndina

Erlingur Hugi Kristvinsson háls,- nef og eyrnalæknir verður með móttöku á Heilbrigðisstofnun Norðurlands á Blönduósi fimmtudaginn 23.nóvember 2017. Tímapantanir í síma 455-4100 milli kl 08:00 og 16:00.

Þessi mynd, þar sem allir eru í sparifötunum sínum, var tekin í 10 ára afmæli Fjólu Jónsdóttur í Asparlundi, 10. nóvember árið 1957. í Aftari röð eru frá vinstri: Pálfríður Benjamínsdóttir í Skálholti, Ingibjörg Kristinsdóttir úr Héðinshöfða og Helga Guðmundsdóttir Hólabraut 25. Í fremri röð eru frá vinstri: Magnús B. Jónsson úr Asparlundi, bróðir Fjólu, afmælisbarnið sjálft, Fjóla Jónsdóttir, sem situr með bróður þeirra, Gunnar Jónsson. Þá kemur Guðbjörg Þorbjörnsdóttir í Akurgerði og lengst til hægri er Sóley Benjamínsdóttir systir Pálfríðar í efri röðinni. Senda upplýsingar um myndina