Nemendur í leiklistardeild Höfðaskóla hafa undanfarna mánuði unnið hörðum höndum að uppsetningu þessa vinsæla söngleiks undir stjórn kennara síns, Ástrósar Elísdóttur. Nemendurnir, sem m.a. leika, syngja og dansa, eru í 8., 9. og 10. bekk. Þessi sami söngleikur nýtur um þessar mundir mikilla vinsælda sunnan heiða, en hér er notast við sama handrit og þar, í glænýrri og frábærri þýðingu Þórarins Eldjárn. Frumsýning verður í Fellsborg á Skagaströnd næstkomandi föstudag, 29. apríl 2016. Sýningatímar: Frumsýning: föstudag 29. apríl kl. 19:00 2. sýning: sunnudag 1. maí kl. 19:00 3. sýning: miðvikudag 4. maí kl. 19:00 ... Miðaverð: Leikskóla- og grunnskólanemar: 1000 kr. Fullorðnir: 2000 kr. Leikarar: Anita Ósk Ragnarsdóttir Benóný Bergmann Birgitta Rut Bjarnadóttir Daði Snær Stefánsson Dagur Freyr Róbertsson Freydís Ósk Kristjánsdóttir Georg Þór Kristjánsson Guðný Eva Björnsdóttir Hallbjörg Jónsdóttir Haraldur Bjarki Guðjónsson Harpa Hlín Ólafsdóttir Jóhann Almar Reynisson Jóna Margrét Sigurðardóttir Kristmundur Elías Baldvinsson Laufey Lind Ingibergsdóttir Lilja Dögg Hjaltadóttir Rebekka Heiða Róbertsdóttir Snæfríður Dögg Guðmundsdóttir Sunna Björg Steingrímsdóttir Valgerður Guðný Ingvarsdóttir Victoría Sif Hólmgeirsdóttir Viktor Már Einarsson

Edda Pálsdóttir Hógværð, prúðmennska og skyldurækni eru orð sem koma í hugann þegar hugsað er til Eddu Pálsdóttur, nú þegar hún hefur lagt af stað í sína síðustu ferð. Vinir hennar minnast Eddu sem trausts vinar með góða nærveru sem alltaf var til staðar fyrir þá í blíðu og stríðu, jákvæð og skemmtileg. Við andlát sitt kallaði hún fram það besta hjá ungmennunum okkar á Skagaströnd sem sýndu þá samstöðu og samhjálp, sem einkennir samfélag okkar þegar á reynir. Edda Pálsdóttir lést 8. apríl og verður jarðsungin frá Hólaneskirkju 23. apríl klukkan 14:00

FUNDARBOÐ Fundur verður haldinn í sveitarstjórn Skagastrandar þriðjudaginn 19. apríl 2016 kl 0800 á skrifstofu sveitarfélagsins. Dagskrá: 1. Fjárfestingar 2016 2. Ársreikningur 2015 (fyrri umræða) 3. Ísland ljóstengt 4. Styrktarsjóður EBÍ 5. Bréf: a. Sambands íslenskra sveitarfélaga, dags. 31. mars 2016 b. Sveitarstjóra Blönduósbæjar, dags. 29. mars 2016 c. Bæjarstjóra Lohja, dags. 29. mars 2016 d. Bryndísar Valbjarnardóttur, sóknarprests, dags. 15. mars 2016 e. Þóreyjar Fjólu Aradóttur, dags. 4. apríl 2016 f. Gígju H. Óskarsdóttur, húsverði íþróttahúss, dags. 29. mars 2016 g. Rúnari og Stefáni Jósefssonum, dags. 10. mars 2016 6. Fundargerðir: a. Tómstunda og menningarmálanefndar, 31.03.2016 b. Vinnufundur hafnar- og skipulagsnefndar, 30.11.2015 c. Heilbrigðisnefndar Norðurlands vestra, 17.03.2016 d. Stjórnar Norðurár bs., 8.05.2015 e. Stjórnar Norðurár bs., 11.09.2015 f. Stjórnar Norðurár bs., 2.10.2015 g. Stjórnar Norðurár bs., 9.10.2015 h. Stjórnar SSNV, 2.03.2016 i. Stjórnar Hafnarsambands Íslands, 24.02.2016 j. Stjórnar Sambands íslenskra sveitarfélaga, 18.03.2016 7. Önnur mál Sveitarstjóri

Signý Magnúsdóttir. Hringrás lífsins hefst með því að við fæðumst. Síðan tekur lífið við með þeim hlutverkum sem okkur er ætlað að leika og svo, þegar við höfum leikið þau til enda, þá deyjum við. Nýlega lauk Signý Magnúsdóttir hlutverki sínu, eftir að hafa leikið það með sóma, og hvarf af leiksviði lífsins. Síðasta hlutverk hennar hafði verið að berjast við sjúkdóm sem ekki lætur laust, eftir að hafa náð tökum sínum. Hugur okkar og samúð er hjá aðstandendum Signýjar. Signý Magnúsdóttir lést 7. apríl og verður jarðsungin frá Hólaneskirkju mánudaginn 18. apríl klukkan 14:00 .

Kvennakórinn Sóldís heldur tónleika Í Hólaneskirkju, Skagaströnd 19. apríl kl. 20:00 Söngstjóri: Helga Rós Indriðadóttir Undirleikari: Rögnvaldur Valbergsson Einsöngvarar: Íris Olga Lúðvíksdóttir og Ólöf Ólafsdóttir Hlökkum til að sjá ykkur! Aðgangseyrir kr. 3.000

Við leitum eftir sumarafleysingafólki í liðsheild okkar hjá Greiðslustofu Vinnumálastofnunar á Skagaströnd. Í boði eru fjölbreytt verkefni með jákvæðum og uppbyggilegum samstarfshópi. Reynt verður að ráða í gegnum sumarátaksstörf námsmanna. Hvetjum alla sem hafa áhuga að sækja um – öllum umsóknum verður svarað Áhugasamir geta kynnt sér starfsemi stofnunarinnar á heimasíðu hennar www.vinnumalastofnun.is. Umsóknir með upplýsingum um menntun og starfsferil sendist til Jensínu Lýðsdóttur, forstöðumanns Vinnumálastofnunar Norðurlandi vestra - Greiðslustofu, Túnbraut 1-3, 545 Skagaströnd eða á netfangið jensina.lydsdottir@vmst.is fyrir 20. apríl næstkomandi. Nánari upplýsingar hjá Jensínu í síma 582 4900.

Heyskapur við Syðra Hól. Á myndinni sést glöggt sú tækni sem notuð var við heyskap á sínum tíma þegar hesturinn var enn þarfasti þjónninn í sveitum landsins. Svona vélar, eins og sú á myndinni, gjörbreyttu heyskap til sveita sem fram að því hafði nánast eingöngu notast við orf, ljá og hrífur. Maðurinn á myndinni er líklega Sveinbjörn Albert Magnússon (Atli)(d. 13.11.1987) frá Syðra Hóli. Ekki er vitað hvenær myndin var tekin.

Reiðskólinn Eðalhestar verða með sumarnámskeið á Skagaströnd, þessar vikur er í boði: 30. maí - 3. júní 2016 6. júní - 10. júní 2016 Skráning er hafin í síma 867 1180 eða á FB. www.facebook.com/Edalhestar Kveðja Halla og Maggi

Kvenfélagið Eining verður með þriggja kvölda félagsvist í félagsheimilinu Fellsborg. Spilað verður mánudagskvöldin 11., 18. og 25. apríl. Byrjað verður að spila stundvíslega klukkan 20:00 Aðgangseyrir 1.000 kr. hvert kvöld en ef keypt er á öll þrjú kvöldin kosta öll kvöldin 2.400 kr. Kaffiveitingar eru innifaldar í verði. Vinningar eru í boði fyrir hvert kvöld, hæsti karl og hæsta kona og svo að sjálfsögðu skammarverðlaunin. Tekin verður heildarsumma allra kvölda og sá stigahæsti fær veglegan vinning síðasta kvöldið. Vonumst til að sjá sem flesta. Kvenfélagið Eining

Hnúfubakur. Í ágúst 1998 komu Ólafur Bernódusson og Guðmundur J. Björnsson í land á trillu sinni, Benna Ólafs, með hnúfubak í eftirdragi. Hvalinn höfðu þeir fundið dauðan á reki norður með landi. Hnúfubakurinn var ungkálfur - tarfur - um 10 metra langur. Hvalurinn var dreginn upp í fjöru til að rannsóknamenn frá Hafrannsóknastofnun gætu skoðað hann og tekið úr honum sýni. Eftir sýnatöku og skoðun margra bæjarbúa var hvalurinn dreginn aftur út á haf og fargað þar. Á myndinni er Hafró fólkið, íklætt hlífðarbuxum, að undirbúa sýnatöku. Guðmundur J. Björnsson stendur við sporðinn í blárri peysu, aðrir eru óþekktir. Til gamans má geta þess að reður hvalsins var sendur til Reðursafns Íslands að ósk eiganda safnsins en hann ætlaði að hafa reðurinn þar til sýnis með öðrum slíkum líffærum af hinum ýmsu spendýrum. Myndina tók Magnús B. Jónsson.