Hvalskurður Þessi mynd var tekin sumarið 1983 af hvalskurði á bryggjunni í Skagastrandarhöfn. Á þessum árum voru tímabundið gerðir út hrefnuveiðibátar frá Skagaströnd af aðkomumönnum sem áttu hrefnukvóta. Þeir drógu síðan hvalskrokkana til hafnar þar sem þeir voru dregnir á land með vörubíl eða gröfu. Síðan var hvalurinn skorinn á bryggjunni og kjöti og spiki komið fyrir í körum sem síðan voru flutt burt til kaupenda. Beinin, bægslin og annað sem ekki nýttist var síðan tekið með um borð og því fleygt í hafið á Húnaflóa fjarri landi.

Farið er yfir litaval og góð ráð gefin um hvernig hægt er að nýta stensla og annað til þess að gera hverja mublu alveg einstaka. Nýjir hlutir geta orðið eins og gamlir munir, fullir af sögu og karakter – og sömu aðferð er hægt að beita á eldri muni líka. Það er víst að hluturinn mun verða að dásamlegustu mublunni á heimilinu. Á námskeiðinu gerir hver þátttakandi tvö skilti með texta og getur valið úr vinsælustu textunum frá Fonts Skiltastærðir: 60x30cmog 40x20cm Hver og einn fær sín eigin áhöld á meðan námskeið stendur yfir: Málning Efni fyrir stensla Timbur fyrir skilti Málningaburstar Taktu með þér eitthvað að heiman sem þér langar að breyta. Svo sem bakka, box, bók, ramma eða skúffu. Þar að auki fá allir að velja sér nokkra stensla til að taka með sér heim og halda áfram að æfa sig. Skráningar sendist á fonts@fonts.is verð 16.900- Eina sem þú þarft að koma með er góða skapið og ímyndunaraflið Námskeið verður haldið föstudaginn 14. Mars kl : 20:00 Félagsheimilinu Fellsborg Sjáumst, Maggý Mýrdal Gsm 697-5455 fonts.is https://www.facebook.com/fontskompany

Námsstyrkir Við afgreiðslu fjárhagsáætlunar 2014 tók sveitarstjórn Skagastrandar ákvörðun um að veita styrki til nemenda á framhalds- og háskólastigi sem nemur 20 þús. kr. skólaárið 2013-2014 en styrkirnir eru veittir til jöfnunar á námskostnaði fjarri heimabyggð. Umsóknum um styrki skal skilað til skrifstofu sveitarfélagsins og er áður auglýstur umsóknarfrestur framlengdur til 1. apríl 2014. Nemendur á framhalds- og háskólastigi sem eiga lögheimili á Skagaströnd og fullnægja skilyrðum í reglum um styrkina eiga rétt á umræddum námsstyrk frá Sveitarfélaginu Skagaströnd. Nánari upplýsingar veittar á skrifstofu sveitarfélagsins og á heimasíðunni http://www.skagastrond.is/samthykktir.asp og þar má einnig fá/finna umsóknareyðublöð. Aksturstyrkur vegna dreifnáms Jafnframt er framlengdur til frestur til 1. apríl 2014 til að sækja um sérstakan stuðning vegna dreifnáms veturinn 2013-2014. Upplýsingar eru veittir á skrifstofu sveitarfélagsins. Sveitarstjóri

Viltu koma á Háskóladaginn á Akureyri? Háskóladagurinn verður haldinn á Akureyri miðvikudaginn 12. mars kl.11:00-13:30 Þar mæta allir háskólar landsins og kynna námsframboð sitt. Fjölmargar ólíkar námsleiðir eru í boði! Þekkingarsetur á Blönduósi stendur fyrir sætaferðum á Háskóladaginn (verð á mann kr. 1000). Nánari upplýsingar og skráning í tölvupósti á netfangið tsb@tsb.is eigi síðar en 10. mars.

Síldarlöndun úr Húna HU-1 - Síldarlöndun á Skagaströnd úr Húna HU-1. Þessi mynd var líklega tekin rétt fyrir 1960 og sýnir Húna með fullfermi við löndunar- bryggjuna á Skagaströnd. Utan á Húna er svo nótabáturinn með síldarnótinni um borð. Á þessum árum var síldarnótin lögð úr nótabátnum og síðan fóru karlarnir um borð í hann og drógu hana inn í bátinn með handafli. Hluti nótarinnar var fastur við Húna og þegar karlarnir í nótabátnum voru búnir að draga nógu mikið af henni inn þá hafði síldin í nótinni safnast saman í þétta torfu við hlið bátsins. Þá var háfnum, sem sést fremst á dekkinu á Húna bakborðsmegin, sökkt í torfuna og síldin þannig háfuð um borð. Eftir að lestin var orðin full var háfað í stíur á dekkinu og gjarnan voru síldarbátar á þessum árum með "merar" á lunningunum. Það voru trégrindur sem settar voru ofan á lunningarnar til að hægt væri að koma meiri síld um borð. Eftir í land var komið og síldin var nógu góð til að salta hana tók við mikill þrældómur hjá sjómönnunum við að landa henni. Við það verk voru notaðir handháfar og mokað með þeim í velti - tunnu eins og sést á myndinni. Tunnan var svo hífð í land og sturtað úr henni í handvagn eins og er á bryggjunni. Vagninum var síðan ekið með handafli að síldakössunum þar sem síldarstúlkurnar biðu óþolinmóðar eftir síldinni. Trégöngubrautin sem sést ofan á síldinni var lögð ofan á síldina og milligerðin í stíunum til að síldin merðist síður þegar gengið var um skipið. Húni HU-1 var smíðaður í Austur Þýskalandi 1957 og var 75 brl. og kom nýr til Skagastrandar í október það ár. Hann var síðan seldur frá Skagaströnd 1965 og fórst 2. mars 1976 með átta manna áhöfn en hét þá Hafrún ÁR. (Heimild: Sjósókn frá Skagaströnd & vélbátaskrá 1908 - 2010 eftir Lárus Ægi Guðmundsson)

Uppskeruhátíð tónlistardaga kórs Hólaneskirkju í máli og tónum í Hólaneskirkju sunnudaginn 9. mars 2014, kl. 14.00 Um helgina tekur kórinn þátt í raddþjálfunarnámskeiði undir stjórn Aðalheiðar Þorsteinsdóttur organista og Önnu Sigríðar Helgadóttur messó sópran. Vissulega verður Hugrún okkar Sif einnig virkur leiðbeinandi á námskeiðinu. Nýja sálmabókin Sálmar 2013 skipar stóran sess á tónlistardögum kórsins. Aðalheiður er ein þeirra sem séð hafa um að útbúa bókina. Hún starfar sem píanóleikar, organisti, útsetjari, kennari og tölvusetur nótnabækur ásamt því að syngja með ýmsum kórum. Anna Sigga eins og hún er jafnan kölluð syngur með fjölda kóra og tekur þátt í margskonar tólistarflutningi og hefur starfað sem kórstjóri. Það verður yndislegt að njóta uppskeru helgarinnar hjá kórnum okkar. Við eigum í vændum tónlistarhátíð með fjölbreyttri tónlist og helgiathöfn. Minningarsjóður um hjónin frá Garði og Vindhæli styrkir verkefnið.

Boðað er til kynningarfundar um niðurstöður á eftirfarandi rannsóknaverkefnum sem voru unnin á árinu 2013: Þarfagreining á námsframboði á Norðurlandi vestra Tilraunaverkefni um hækkað menntunarstig á Norðurlandi vestra Kynningarfundirnir eru öllum opnir og verða haldnir á eftirfarandi dögum: Miðvikudaginn 5. mars kl. 20:00 í húsnæði Rannsóknaseturs HÍ á Skagaströnd Fimmtudaginn 6. mars kl. 20:00 í Kvennaskólanum á Blönduósi Fulltrúar Farskólans verða á fundinum til að kynna nám og námskeið og svara fyrirspurnum í tengslum við niðurstöður þarfagreininganna. Rannsóknirnar eru liður í eflingu menntunar og atvinnulífs á svæðinu og því er mikilvægt að sem flestir sjái sér fært að mæta. Gert er ráð fyrir að kynningin taki u.þ.b. 45 mín. og síðan verða umræður á eftir. Heitt á könnunni – allir velkomnir!

Ný aðalnámskrá grunnskóla nýjar áherslur Í starfi skólanna í vetur hefur miklum tíma verið varið til að skoða hvað verið er að gera og hvað gera þarf frekar til að vinna í anda nýrrar aðalnámskrár og efla áherslur grunnþáttanna sex í skólastarfinu. Grunnþættirnir sex eru: læsi, sjálfbærni, heilbrigði og velferð, lýðræði og mannréttindi, jafnrétti og sköpun. Ný aðalnámskrá og grunnþættirnir sex eiga að vera okkur leiðarvísir og fyrirmynd um áherslur, vinnulag og framsetningu í skólastarfinu. Einn grunnþáttanna, Lýðræði og mannréttindi, var til umfjöllunar á fræðslufundi 27. febrúar s.l. Margrét Júlía Rafnsdóttir, verkefnastjóri hjá Barnaheillum- Save the Children á Íslandi, Kom til okkar til að fræða okkur um helstu áherslur og verkefni til að efla áherslur lýðræðis og mannréttindi í skólum sýslnanna. Á námskeiðinu var unnið með eftirfarandi verkþætti: Af hverju að kenna um mannréttindi og lýðræði í grunnskóla? -alþjóðlegir samningar, lög, aðalnámskrá og samfélagslegir þættir. Grunnþættir menntunar, hvernig þeir samþættast og eiga að vera samofnir öllu skólastarfi. Grunnþátturinn mannréttindi og lýðræði. Mannréttindi barna og réttur barna til að taka þátt og hafa áhrif. Barnasáttmáli Sameinuðu þjóðanna- mannréttindasamningur sem á við um öll börn. Hvernig geta skólar innleitt grunnþáttinn mannréttindi og lýðræði í daglegt skólastarf, námsgreinar, með námshópum og í samvinnu við grenndarsamfélagið? Þátttakendur voru níutíu og þrír og létu mjög vel af fræðsludeginum. „Það eru gömul sannindi og ný að engin raunveruleg þróun verður í skólastarfinema fyrir tilstuðlan kennara og skólastjórnenda. Lengi má lagfæra menntastefnu, skipulag, námsgögn og skólabyggingar en ef breytingum er ekki fylgt eftir í skólunum skila þær ekki árangri. Innleiðing nýrrar hugsunar í skólastarfi byggist á góðri samvinnu menntayfirvalda við þá sem bera hitann og þungann af skólastarfinu.“ Katrín Jakobsdóttir fyrrum ráðherra mennta-og menningarmála Myndir: Þátttakendur og leiðbeinandi.

Ræktunarátak í Spákonufelli Á þessari mynd, sem Guðrún Guðbjörnsdóttir tók, er Sigfús Jónsson sveitarstjóri á Skagaströnd að gera fólki grein fyrir skipulagi áburðar- og frædreifingar í Spákonufelli af verönd skíðaskálans áður en verkið er hafið. Eins og sjá má mætti fjöldi fólks til að taka þátt í þessu ræktunarátaki þar sem grasfræi og áburði var dreift á melinn norðan og ofan við skíðaskálann. Fullorðna fólkið sem þekkja má á myndinni, sem var tekin snemma á níunda áratugnum, er talið frá vinstri: Jökulrós Grímsdóttir, Bjarney Valdimarsdóttir, Sigfús Jónsson (snýr baki í myndavélina), Elínborg Jónsdóttir (d. 7.1.2007), Elísabet Kristjánsdóttir (d. 21.3.1991) (í rauðum stakk), Gylfi Sigurðsson, Jón Ingi Ingvarsson (með húfu), Ólafur Bernódusson og síðan grillir í Svein Ingólfsson og Lárus Ægi Guðmundsson. Sigfús stjórnaði dreifingunni eins og herforingi. Skipaði fólki í raðir og skammaðist ef einhver fór svo fram úr öðrum við dreifinguna. Því miður varð árangur dreifingarinnar fremur lítill en seinna var plantað Alaska lúpínu í melinn og hefur hún rækilega fest rætur og gjörbreytt ásýnd Spákonufellsins með sínum bláu blómum á sumrin.

Dagana 3.,4. og 5.mars verður vetrarfrí í tónlistarskólanum. Kennsla hefst aftur fimmtudaginn 6.mars samkvæmt stundarskrá. Kennarar