Á fundi Skagastrandarlistans, miðvikudaginn 7. maí sl. var uppstilling listans staðfest. Fyrstu 5 sætum hans hafði áður verið stillt upp á opnum fundi þar sem fundarmenn röðuðu í sæti úr hópi 10 frambjóðenda. Framboðslisti Skagastrandarlistans (H –listi) Adolf H. Berndsen framkv.stjóri Halldór G. Ólafsson framkv.stjóri Róbert Kristjánsson verslunarstjóri Gunnar S. Halldórsson matreiðslumaður Jón Ólafur Sigurjónsson iðnaðarmaður Péturína L. Jakobsdóttir skrifstofustjóri Árný S. Gísladóttir fulltrúi Hrefna D .Þorsteinsdóttir stuðningsfulltrúi Sigurlaug Lára Ingimundardóttir þjónustufulltrúi Hafdís H. Ásgeirsdóttir hársnyrtir

Vortónleikar Tónlistarskólans verða: Skagaströnd: Í Hólaneskirkju fimmtudaginn 8. maí kl: 1700 Blönduósi: Í Blönduósskirkju miðvikudaginn 7. maí kl: 1700 Allir velkomnir Innritun fyrir næsta skólaár verður á Skagaströnd fimmtudaginn 15.maí frá kl. 16-18 að Bogabraut 10 á Blönduósi í Tónlistarskólanum Húnabraut 26 föstudaginn 16.maí frá kl. 16-18 Skólastjóri

Föstudaginn 2. maí fór fram stærðfræðikeppni Fjölbrautaskóla Norðurlands vestra, Menntaskólans á Tröllaskaga og 9. bekkjar, en keppnin hefur nú verið haldin árlega í 17 ár. Í fyrsta sæti var Björn Vilhelm Ólafsson, Grunnskóla Fjallabyggðar, í öðru sæti var Páll Halldórsson, Höfðaskóla og í þriðja sæti var Guðjón Alex Flosason, Grunnskólanum á Hólmavík. Undankeppni stærðfræðikeppninnar fór fram í mars og tóku 170 nemendur frá Norðurlandi vestra, Fjallabyggð og Dalvíkurskóla þátt í henni. Að þessu sinni komust 15 nemendur í úrslitakeppnina. Af þeim voru tveir frá Árskóla, tveir frá Varmahlíðarskóla, einn frá Grunnskólanum austan Vatna, einn frá Grunnskólanum á Hólmavík, einn frá Húnavallaskóla, tveir frá Höfðaskóla, einn frá Blönduskóla, þrír frá Grunnskóla Fjallabyggðar og tveir frá Dalvíkurskóla. Stærðfræðikeppnin er samstarfsverkefni FNV, grunnskóla, stofnana og fyrirtækja á Norðurlandi vestra auk þess sem fyrirtæki utan kjördæmisins koma að verkefninu. Kennarar í stærðfræði við FNV báru hitann og þungann af samningu og yfirferð keppnisgagna, en grunnskólarnir sáu um fyrirlögn dæmanna í undankeppninni. Heimild: FNV

Öflugt skátastarf var á vegum skátafélagsins Sigurfara á Skagaströnd í allmörg ár á sjötta og sjöunda áratugnum undir stjórn Þórðar Jónssonar félagsforingja. Eitt af verkefnum skátanna var að koma sér upp skála í Brandaskarði. Skálinn var því miður aldrei fullgerður heldur var einungis steyptar undirstöður og botnplata. Nokkrum árum seinna byggðu svo skátarnir skála í suðurhlíðum Spákonufells. Á þessari mynd eru galvaskir skátar í vinnuferð í Brandaskarði. Frá vinstri: Þórður Jónsson (d. 25.12.2010), Hallbjörn Björnsson Jaðri, Gissur Jóhannsson Lækjarbakka, Kristinn Lúðvíksson Steinholti, Ísleifur Haraldsson Jaðri, Þórunn Bernódusdóttir Stórholti, Guðrún Þórbjarnardóttir Flankastöðum, Birgir Júlíusson Höfðabergi, Jóhann Ingibjörnsson, Frímann Lúðvíksson Steinholti, Lárus Ægir Guðmundsson og Helgi Jónatansson Höfðabrekku

Í starfi skólanna í vetur hefur miklum tíma verið varið til að skoða hvað verið er að gera og hvað gera þarf frekar til að vinna í anda nýrrar aðalnámskrár fyrir leik-grunn og framhaldsskóla og efla áherslur grunnþáttanna sex í skólastarfinu. Grunnþættirnir sex eru: Læsi, sjálfbærni, heilbrigði og velferð, lýðræði og mannréttindi, jafnrétti og sköpun. Ný aðalnámskrá og grunnþættirnir sex eiga að vera starfsfólki skólanna leiðarvísir og fyrirmynd um áherslur, vinnulag og framsetningu í skólastarfinu öllu. Einn grunnþáttanna, Heilbrigði og velferð, var til umfjöllunar á fræðslufundi á vegum Fræðsluskrifstofunnar 29. apríl s.l. Védís Grönvold, kennsluráðgjafi, kom til okkar til að fræða okkur um helstu verkefni til að efla áherslur heilbrigði og velferðar í skólum Húnavatnssýslna. Á námskeiðinu var unnið með eftirfarandi áherslur: „Í skólum þarf að skapa jákvæðan skólabrag og heilsueflandi umhverfi þar sem markvisst er hlúð að þroska og heilbrigði frá ýmsum hliðum. Helstu þættir heilbrigðis sem leggja þarf áherslu á eru: jákvæð sjálfsmynd, hreyfing, næring, hvíld, andleg vellíðan, góð samskipti, öryggi, hreinlæti, kynheilbrigði og skilningur á eigin tilfinningum og annarra.“ (Úr ritröð mennta- og menningarmálaráðuneytis 2013) Þátttakendur voru fjörutíu og fjórir og létu mjög vel af fræðsludeginum. Myndir: Þátttakendur og leiðbeinandi.

Leiksýningin Kardemommubærinn sem sýna átti í dag (þriðjudag) kl. 18 verður afslýst vegna veikinda. Fyrirhugað er að sýna leikritið á fimmtudaginn 01. maí kl.17.

Mánudaginn 31.03.2014 var skrifað undir viljayfirlýsingu um samstarf Hjallastefnu og sveitarfélagsins Skagastrandar. Í henni felst vilji beggja aðila til að kanna hvort grundvöllur sé fyrir því að Hjalli komi að rekstri leik- og/ eða grunnskóla. Foreldrafélög Höfðaskóla og Barnabóls hafa ákveðið að kanna áhuga foreldra á því að fá Hjallastefnu.Foreldrar hafa fengið tölvpóst með slóð á könnunina. Mikilvægt er að allir foreldrar taki þátt og verður könnunin opin fram að miðnætti föstudaginn 02.05.2014. Niðurstöður verða kynntar foreldrum og sveitarstjórn að könnun lokinni. Þeir sem vilja kynna sér Hjallastefnuna betur er bent á heimasíðu Hjalla og ýmsar like-síður á facebook sbr. Hjalli, Vífilsskóli og Leikskólinn Völlur. Gestirnir okkar sem komu í heimsókn mánudaginn 31.mars eru jafnframt tilbúnir til þess að svara fyrirspurnum: • Alfa, leikskólastjóri á Hólmasól: alfa@hjalli.is • Ingunn Eir, foreldri tveggja barna í leikskólanum Hólmasól: iee@visir.is • Lína, aðstoðarleikskólastjóri á Hólmasól: lina@hjalli.is • Sigrún Björg, foreldri 2ja drengja sem hafa verið í leik- og grunnskólum Hjallstefnunnar og eldri drengurinn er á einhverfurófi: sigrun@soa.is • Margrét Pála, fræðslustjóri Hjallastefnunnar: mpo@hjalli.is • Matthías, sálfræðingur, kennari og aðstoðarmaður stjórnarformanns Hjalla: mm@hjalli.is Einnig erum við velkomin í heimsókn, sérstaklega í leikskólann Hólmasól á Akureyri ef við hringjum á undan okkur. Kær kveðja stjórnir foreldrafélaganna í Höfðaskóla og Barnabóli.

Á fjölmennum fundi þann 28. apríl 2014 voru kosnir fulltrúar á Skagastrandarlistann vegna sveitarstjórnarkosninganna 31. maí 2014, eingöngu var kosið í fimm efstu sætin. Úrslit kosninganna urðu sem hér segir: Adolf H. Berndsen Halldór G. Ólafsson Róbert Kristjánsson Gunnar S. Halldórsson Jón Ó. Sigurjónsson Uppstillingarnefnd Skagastrandarlistans.

Hér með tilkynnist. Að það hefur verið tekið á móti 10 framboðum vegna Skagastrandarlistans. og munu tveir vera í kjöri um fyrsta sæti: Adolf H Berndsen – 1, ( eingöngu í fyrsta sæti ). Óskar Ársælsson – 1-5, ( fyrsta til fimmta ). Og átta sem gefa kost á sér, eingöngu í 2-5 sæti: Steindór R Haraldsson Péturína L. Jakobsdóttir Gunnar Halldórsson Róbert Kristjánsson Baldur Magnússon Halldór G Ólafsson Jón Ólafur Sigurjónsson Árný S. Gísladóttir Sjáumst í kvöld kl. 20:00 í Fellsborg. Fyrir hönd uppstillinganefndar, Guðmundur Finnbogason.

Leikrit um daglegt líf sem fléttast kringum lög við vinnuna eru upplífgandi og sálarbætandi, enda kannast allir við eitthvað af því sem þar er fjallað um. Eitt af þessum verkum er Kardemommubærinn og gefst fólki nú gott færi á að skyggnast um stund inn í daglegt líf í þeim notalega bæ. Skólafélagið Rán stendur fyrir sýningu í Fellsborg þriðjudaginn 29.apríl næstkomandi. Njótið tilhlökkunarinnar. Sýning hefst klukkan 18:00 og er miðaverð 1000 krónur.