Skólaslit og afhending prófskírteina fyrir skólaárið 2012-2013 fer fram í Blönduóskirkju laugardaginn 18. maí n.k. kl:1500 Fram koma nemendur sem hafa lokið stigsprófum og nemendur 10. bekkja sem kveðja skólann. Allir velkomnir. Skólastjóri.

Sjómannadagur Sigursveit kvenna í kappróðri á sjómannadegi, líklega 1989. Frá vinstri: Árni Ólafur Sigurðsson stýrimaður, Hallbjörg Jónsdóttir, Vigdís Viggósdóttir, Sigþrúður Magnúsdóttir, Guðbjörg Viggósdóttir, Kolbrún Viggósdóttir og Edda Pálsdóttir. Sigrinum fylgdi bikar til varðveislu í eitt ár. Ef sama sveitin vann bikarinn þrisvar í röð eða fimm sinnum alls vannst hann til eignar. Líklega hefur þessi sveit keppt í nafni Hólanes hf og flestar stúlkurnar verið starfsstúlkur þar á þessum tíma. Enn er keppt í kappróðri á sjómannadegi á Skagaströnd á bátunum Gusti og Golu, sem byggðir voru í bátastöð Nóa Kristjánssonar á Akureyri árið 1948 og notaðir í fyrsta sinn á sjómannadegi það ár. Allt upp í 16 róðrarsveitir hafa keppt á sjómannadegi en það var 1988 sem þær voru svo margar. Yfirleitt eru sveitirnar þó mun færri. Heimild: Sjómannadagurinn á Skagaströnd í 70 ár eftir Lárus Ægi Guðmundsson útgefið 2009.

Úrslit í stærðfræðikeppni 14.05.2013 Verðlauna afhending mynd GK Egill Örn Ingibergsson í Höfðaskóla varð í fyrsta sæti í stærðfræðikeppni Fjölbrautaskóla Norðurlands vestra, Menntaskólans á Tröllaskaga og 9. bekkjar grunnskóla á Norðurlandi vestra, í Fjallabyggð og Dalvíkurbyggð. Sigfinnur Andri Marinósson, Varmahlíðarskóla varð í öðru sæti og Karl Vernharð Þorleifsson, Dalvíkurskóla í þriðja. Úrslitakeppnin fór fram í gær en stærðfræðikeppnin hefur verið haldin árlega í sextán ár. Undankeppnin fór fram 18. apríl og tóku 127 nemendur af Norðurlandi vestra, úr Fjallabyggð og Dalvíkurskóla þátt í henni. Að þessu sinni komust 15 nemendur í úrslit. Stærðfræðikeppnin er samstarfsverkefni MTR og FNV, grunnskóla, stofnana og fyrirtækja á Norðurlandi vestra auk þess sem fyrirtæki utan kjördæmisins koma að verkefninu. Kennarar í stærðfræði við MTR og FNV báru hitann og þungann af samningu og yfirferð keppnisgagna, en grunnskólarnir sáu um fyrirlögn dæmanna í undankeppninni. Myndir 1. Verðlaun Point of View 10“ spjaldtölva frá Tölvutek Kr. 10.000 frá styrktaraðilum. Casio FX 570ES reiknivél frá A4 Gjafabréf frá Levi´s Heyrnatól og mús frá Símanum Gjafabréf frá Snara.is Minnislykill frá Valberg ehf Verðlaunagripur frá KLM verðlaunagripum 2. Verðlaun Cannon Ixus frá Pedromyndum Kr. 9.000 frá styrktaraðilum. Casio FX 570ES reiknivél frá A4 Gjafabréf frá Levi´s Heyrnatól og mús frá Símanum Gjafabréf frá Snara.is Minnislykilll frá Valberg ehf Verðlaunagripur frá KLM verðlaunagripum 3. Verðlaun Inntenso MP3 8GB mynd og hljóðspilari frá Tölvutek Kr. 8.000 frá styrktaraðilum. Casio FX 570ES reiknivél frá A4 Gjafabréf frá Levi´s Heyrnatól og mús frá Símanum Gjafabréf frá Snara.is Minnislykill frá Valberg ehf Verðlaunagripur frá KLM verðlaunagripum 4-15. sæti: Gjafabréf frá Snara.is, minnislykill frá Valberg ehf. og kr. 7.000 frá styrktaraðilum Auk ofangreindra styrktaraðila styrktu eftirtaldir keppnina með fjárframlögum: Blönduósbær Fjallabyggð Húnaþing vestra Sveitarfélagið Skagaströnd Sveitarfélagið Skagafjörður Arionbanki Landsbankinn Sparisjóður Skagafjarðar Fréttin skv. www.mtr.is

FUNDARBOÐ Fundur verður haldinn í sveitarstjórn Skagastrandar miðvikudaginn 15. maí 2013 á skrifstofu sveitarfélagsins kl 800. Dagskrá: 1. Ársreikningur 2013 2. Hitaveitumál 3. Félags- og skólaþjónusta a. Fundargerð, 6. maí 2013 b. Ársreikningur 2013 4. Samantekt um íbúaþing 30. apríl 2013 5. Staða innheimtumála 6. Skólamál 7. Gámamál 8. Bréf: a. Ólafs Björnssonar hrl. vegna þjóðlendumála, dags. 30. apríl 2013 b. Umsókn um leigu á Bjarmanesi, dags. 7. maí 2013 c. Växjö kommun, dags. 24. apríl 2013 d. Fundarboð aðalfundar Farskólans, dags. 6. maí 2013 9. Fundargerðir: a. Stjórnar SSNV, 19.04.2013 b. Stjórnar Hafnasambands Íslands, 8.04.2013 c. Stjórnar Sambands íslenskra sveitarfélaga, 25.01.2013 10. Önnur mál Sveitarstjóri

Berjaferð 1961 Aftan á þessa mynd hefur verið skrifað "berjaferð 1961". Líklegara er að hér hafi verið um að ræða einhvers konar skemmtiferð því klæðnaður fólksins bendir alls ekki til að um berjaferð sé að ræða. Á myndinni eru, frá vinstri: Ástmar Ingvarsson (Addi Bala), Ingvar Ástmarsson, Árni Ólafur Sigurðsson, Steindór Haraldsson, Reynir Sigurðsson,Gylfi Sigurðsson, Bára Þorvaldsdóttir, Guðrún Guðbjörnsdóttir, Gunnar Sveinsson, Inga Dóra Sigurðardóttir og Gréta Sigurðardóttir. Bílinn aftan við fólkið átti Ástmar Ingvarsson, sem ættaður var frá Balaskarði, en á honum ók hann fólki gjarnan á dansleiki og ýmsa aðra viðburði innan og utan héraðs. Myndin er sennilega tekin af Sigurði Steingrímssyni frá Höfðakoti en hann er maður Grétu sem er lengst til hægri á myndinni. Ekki er vitað hvar myndin var tekin.

Sýning í Fellsborg í dag fimmtudaginn 9. maí kl 15.00. Miðaverð 1.500 kr. http://www.tofrabrogd.is/ „Einar Mikael töframaður er einn færasti töframaður og skemmtikraftur á Íslandi í dag. Einar er snillingur í koma fólki á óvart með mögnuðum sjónhverfingum. og drepfyndnum göldrum. Hvað eiga lifandi dýr, gullfallegar stelpur og heimsfrægar sjónhverfingar sameiginlegt? Þú sérð þetta allt saman í sýningum hjá Einari. Ef þú ert að leita að atriði sem slær í gegn þá er alveg pottþétt að Einar Mikael mun sjá til þess að geri viðburðinn þinn ógleymanlegan.“

Leiðrétting við mynd vikunnar frá 2. maí af Höfðahólum Í textanum með mynd af Höfðahólum gætir nokkurs misskilnings. Þar segir að Jóhannes Björnsson og Dagný Guðmundsdóttir hafi verið síðustu ábúendur á Höfðahólum. Þetta er ekki alls kostar rétt. Það rétta er að Þau hjón nýttu túnin sem fylgdu bænum en bjuggu þá að Litla Felli. Þá bjó í Höfðahólum Axel Ásgeirsson (d. 2.9.1965) sem seinna bjó að Litla Felli. Axel mun því hafa verið síðasti ábúandinn í Höfðahólum þó Jóhannes hafi nýtt jörðina að hluta undir það síðasta. Beðist er velvirðingar á þessum mistökum. Óli B.

Fyrirlestur um Guðmund Björnsson landlækni (1906 -1931) og umbætur í geðheilbrigðismálum á fyrstu árum 20. aldar verður haldinn á vegum Rannsóknaseturs Háskóla Íslands á Skagaströnd og Þekkingarsetursins á Blönduósi, laugardaginn 11. maí klukkan 14:00 í Kvennaskólanum á Blönduósi. Fyrirlesturinn er ókeypis og öllum opinn. Það er Sigurgeir Guðjónsson, doktorsnemi við Háskóla Íslands, sem flytur fyrirlesturinn. Sigurgeir var alinn upp á Akureyri, útskrifaðist af málabraut MA 1985, lauk mastersgráðu í sagnfræði 1996 og kennslufræði frá HA 1999. Hann vinnur nú að doktorsritgerð sinni sem mun fjalla um sögu geðsjúkra á Íslandi með áherslu á tímablið 1834 til 1910. Sigurgeir hefur víða haldið fyrirlestra um efni sem tengjast rannsóknum hans og nú loksins geta Rannsóknasetrið og Þekkingarsetrið boðið upp á spennandi fyrirlestur Sigurgeirs um þetta áhugaverða efni. Guðmundur Björnsson landlæknir var Húnvetningur, fæddur í Gröf í Víðidal 1864. Hann var alþingismaður, landlæknir, héraðslæknir í Reykjavík, kennari við læknaskólann og seinna prófessor í læknisfræði. Hann hafði því mikil og margvísleg áhrif á uppbyggingu heilbrigðisþjónustunnar á landinu á fyrstu áratugum 20. aldar m.a. í geðheilbrigðismálum. Fyrirlesturinn um þennan mæta Húnvetning er samstarfsverkefni Rannsóknasetursins og Þekkingarsetursins og er vonast til að sem flestir taki frá tíma laugardaginn 11. maí til að koma í Kvennaskólann, fá sér kaffibolla og fræðast örlítið um fortíðina.

Höfðahólar Lengi framan af öldum var land á núverandi Skagaströnd í eigu tveggja bæja. Bæirnir voru Spákonufell, sem var kirkjustaður, og Höfðahólar. Seinna bættust svo Háagerði og Finnsstaðir við.   Þessi mynd er af Höfðahólum sem stóðu á berginu ofan við núverandi tjaldsvæði. Þar er nú fánastöng og minningarskjöldur um bæinn einnig má sjá þar nokkrar rústir ef vel er gáð.   Síðustu ábúendur á Höfðahólum voru Jóhannes Björnsson og Dagný Guðmundsdóttir foreldrar bræðranna: Páls, Sigmars, Vilbergs og Óskars.

Vortónleikar Tónlistarskólans verða á Skagaströnd í Hólaneskirkju fimmtudaginn 2. maí kl: 1700 Allir velkomnir Skólastjóri