Bókasafnið er lokað í dag vegna veðurs. Kveðja Sigþrúður

Almenni borgarafundurinn um dreifnámið sem átti að vera í dag 6. mars í Fellsborg er frestað v/ veðurs.

Aðalfundi Rauða krossins á Skagaströnd sem átti að vera í kvöld hefur verið frestað til mánudagsins 11. Mars kl. 20:00. Stjórnin

Kynningarfundur vegna stofnunar framhaldsdeildar (dreifnáms) í Austur Húnavatnssýslu fyrir nemendur í elstu bekkjum grunnskóla og foreldra/forráðamenn þeirra Á morgun 6. mars verður boðið til kynningar- og íbúafundar vegna fyrirhugaðs framhaldsnáms (dreifnáms) í heimahéraði. Almennur borgarafundur um dreifnámið verður haldinn kl. 20:00 í Fellsborg Skagaströnd 6. mars og eru allir íbúar hjartanlega velkomnir en foreldrar elstu nemenda grunnskólans eru sérstaklega hvattir til að mæta til að kynna sér þessa leið við byrjun framhaldsnáms. Á fundunum mun Þorkell Þorsteinsson, aðstoðarskólameistari Fjölbrautaskóla Norðurlands vestra, fara ítarlega yfir starfsemi deildarinnar. Rakel Runólfsdóttir umsjónarmaður dreifnáms FNV á Hvammstanga og nemendur þaðan kynna hvernig til hefur tekist með uppbyggingu dreifnámsins á Hvammstanga. Fulltrúar sveitarfélaga í A-Hún. munu skýra frá undirbúningi heima í héraði. Auk kynninganna verður tekið við fyrirspurnum frá fundargestum. Með von um góða mætingu! Undirbúningsnefnd

Félagsvistin sem átti að vera í kvöld 04.03.2013 er frestað um eina viku vegna veðurs. Kvenfélagið Eining

Íbúaþing verður haldið fimmtudaginn 7. mars kl. 18-22, í félagsheimilinu Fellsborg. Dagskrá Setning Skagaströnd í tölum Hópavinna ,,Hvað gerir Skagaströnd aðlaðandi?” Matarhlé Hópavinna ,,Hvernig viljum við sjá Skagaströnd eftir 10 ár?” Kaffihlé Hópavinna ,,Hver eru helstu atvinnutækifærin?” Þingslit Markmið íbúaþingsins eru:  Að fá fram viðhorf íbúa sveitarfélagsins sem nýtast munu sveitarstjórn við stefnumótun á komandi árum.  Að auka þátttöku og aðgengi almennings að ákvarðanatöku varðandi málefni sveitarfélagsins og samfélagsins í heild. Á þinginu verður unnið í hópum undir stjórn starfsmanna SSNV þar sem leitað verður eftir hugmyndum og tillögum fundarmanna um málefni sem varða framtíðarsýn í búa í atvinnumálum og almennri byggðaþróun. Sveitarfélagið Skagaströnd SSNV

Stórkostleg skemmtun með Siggu Klingenberg sem hefur slegið í gegn um allt land. Sigga Kling verður í Félagsheimilinu á Blönduósi. Skemmtunin hefst klukkan 19:00. Boðið verður upp á matarmikla Gúllassúpu og vínkynningu frá Ölgerðinni. Þetta er skemmtunar og fræðslukvöld sem hefur slegið í gegn um allt land! Ekki missa af Siggu Klingenberg í þetta eina sinn á Blönduósi. Bæði fyrir konur og karla! Verð aðeins 2.900 kr. Viltu hlægja, læra og láta þér líða vel? þá skaltu mæta á þetta kvöld. Hristu af þér slenið og skundaðu á skemmtun og fræðslukvöld í Félagsheimilinu á Blönduósi þann 6. Mars!

Hvaladráp 1918 Veturinn 1918 var einn hinn kaldasti sem kom á síðustu öld. Hafís þakti Húnaflóa þannig að ekki var hægt að sækja sér björg úr sjónum. Fólk frá Skagaströnd gat gengið á ísnum a.m.k. inn að Laxá í Refasveit án þess að óttast mikið að detta í vök á milli jaka. Í þessu ástandi var það því mikið fagnaðarefni þegar uppgötvaðist að fimm hvalir voru fastir í vök fram af Ytri-Ey. Þeir voru fastir þar því þeir gátu hvergi annarsstaðar komið upp til að anda. Hvalirnir voru allir drepnir í vökinni og dregnir upp á ísinn þar sem gert var að þeim og fólk gerði sér mat úr þeim. Fólk kom víða að framan úr sveitum til að fá kjötbita og fleira sem hægt var að nýta úr hvölunum. Beinunum og öðru sem ekki var notað var síðan velt ofan í vökina aftur. Á þessari einstöku mynd er fjöldi manns að vinna við að drepa og gera að einum hvalnum úr vökinni. Ein regla var sett á Skagaströnd fyrir þá sem gengu inn að vökinni en hún var sú að menn máttu ekki vera einir á ferð því þrátt fyrir allt gat alltaf komið fyrir að menn færu niður úr ísnum. Það var einmitt það sem kom fyrir mann sem var samferða þeim Steingrími Jónssyni frá Höfðakoti og Ernst Berdsen frá Karlsskála. Nafn mannsins er ekki þekkt en hann datt sem sagt í sjóinn gegnum hema yfir smá vök þegar þeir þremenningarnir voru komnir u.þ.b. hálfa leið frá Skagaströnd inn að Eyjarey. Ernst og Steingrímur drógu manninn upp og fylgdu honum til baka. Stóð það á endum að hann komst heim því þá voru fötin hans orðin svo stokkfreðin að hann var hættur að geta hreyft sig. Þegar heim kom voru fötin dregin af manninum og hann háttaður í rúmið og heitt vatn í flöskum sett undir sængina hjá honum. Ekki varð manninum meint af slysinu og var kominn á hvalskurðinn daginn eftir (skráð eftir munnlegri frásögn Steingíms Jónssonar) .

Þann 6. mars n.k. verður boðið til kynningar- og íbúafundar vegna fyrirhugaðs framhaldsnáms (dreifnáms) í heimahéraði. Almennur borgarafundur um dreifnámið verður haldinn kl. 20:00 í Fellsborg Skagaströnd 6. mars og eru allir íbúar hjartanlega velkomnir en foreldrar elstu nemenda grunnskólans eru sérstaklega hvattir til að mæta til að kynna sér þessa leið við byrjun framhaldsnáms. Á fundunum mun Þorkell Þorsteinsson, aðstoðarskólameistari Fjölbrautaskóla Norðurlands vestra, fara ítarlega yfir starfsemi deildarinnar. Rakel Runólfsdóttir umsjónarmaður dreifnáms FNV á Hvammstanga og nemendur þaðan kynna hvernig til hefur tekist með uppbyggingu dreifnámsins á Hvammstanga. Fulltrúar sveitarfélaga í A-Hún. munu skýra frá undirbúningi heima í héraði. Auk kynninganna verður tekið við fyrirspurnum frá fundargestum. Með von um góða mætingu! Undirbúningsnefnd

Ég mun opna ljósmyndasýninguna "Veðurmyndir –veðurlýsingar" í anddyri Fellsborgar fimmtudaginn 28. febrúar kl: 15 – 17. Sýningin er hluti af verkefni sem ég hef unnið að í Listamiðstöðinni Nesi nú í febrúar. Verkefnið var að taka myndir af veðri og fylgja þeim stuttar lýsingar og stök orð úr lýsingum nokkurra heimamanna á veðrinu. á myndunum. Sýningin mun standa til 17. mars. Allir velkomnir. Brynja Jóhannsdóttir