verður á Skagaströnd fimmtudaginn 12. september 2013 í félagsheimilinu Fellsborg frá kl. 13 - 19.

Opnunartími Föstudag 18:00 – 22:00 (sveigjanlegt til 00:00) Laugardag 14:00 – 22:00(sveigjanlegt til 00:00) Sunnudag 14:00 – 21:00 Athugið að opnunartími gæti riðlast vegna veðurs. Tökum einnig á móti hópum utan venjulegs opnunartíma. Kaffi Bjarmanes 461 – 4591 / 867 – 6701 Áslaug Við erum á facebook

Skólaleikrit í Tunnunni Leikarar í óþekktu leikriti, sem sýnt var að öllum líkindum á vegum Höfðaskóla. Frá vinstri: Guðmundur Guðmundsson í Skeifunni, Guðmundur Ingi Jónatansson í Höfðabrekku, óþekkt stúlka, Gunnlaugur Sigmarsson, Brynja Axelsdóttir frá Læk, óþekkt stúlka, Helga Ólafsdóttir frá Suður skála og Steindór Haraldsson frá Höfðakoti. Myndin var líklega tekin einhverntíma upp úr 1960. Ef þú þekkir óþekktu stúlkurnar vinsamlega sendu okkur þá athugasemd á olibenna@hi.is

Við bjóðum á ball vegna verkloka við lagningu hitaveitu Þar sem vinnu okkar við lagningu hitaveitu á Skagaströnd er að ljúka munum við halda upp á það með því að bjóða öllum sem vilja á ball með hljómsveitinni Hvanndalsbræðrum í Kántrýbæ föstudaginn 13 september nk. Húsið opnar kl 23.00 Um leið og við þökkum íbúum á Skagaströnd kærlega fyrir gott samstarf í sumar vonum við að sem flestir muni mæta og eiga gleðistund með okkur og Hvanndalsbræðrum á góðu balli. GV-Gröfur og Sorphreinsun VH

FUNDARBOÐ Fundur verður haldinn í sveitarstjórn Skagastrandar miðvikudaginn 4. september 2013 á skrifstofu sveitarfélagsins kl 800. Dagskrá: 1. Fræðslumál: a. Fundargerð fræðslunefndar b. Fundargerð nefndar um grunn og leikskóla c. Grunnskólinn – skólaárið 2013-2014 2. Hitaveita a. Staða hitaveitulagna b. Undirbúningur eigna sveitarfélagsins 3. Bréf Innanríkisráðuneytisins dags. 31. júlí 2013 4. Fundargerðir: a. Hafnarnefndar, 26.06.2013 b. Stjórnar Félags og skólaþjónustu, 25.06.2013 c. Stjórnar Norðurár bs., 21.03.2013 d. Stjórnar Norðurár bs., 4.07.2013 e. Stjórnar Byggðasamlags um menningu og atv.mál, 13.05.2013 f. Heilbrigðisnefndar Nl. vestra, 2.07.2013 g. Stjórnar Sambands ísl. sveitarfélaga, 28.06.2013 h. Stjórnar Samtaka sjávarútvegssveitarfélaga, 2.07.2013 5. Önnur mál Sveitarstjóri

Aukaúthlutun 2013 Menningarráð Norðurlands vestra auglýsir eftir umsóknum um verkefnastyrki á grundvelli menningarsamnings mennta- og menningarmálaráðuneytis og atvinnu- og nýsköpunarráðuneytis við SSNV. Tilgangur styrkjanna er að efla menningarstarf og menningartengda ferðaþjónustu á Norðurlandi vestra. Til úthlutunar eru að hámarki um 5 milljónir króna. Umsóknarfrestur er til og með 16. september 2013. Umsækjendur skulu að öllu jöfnu vera einstaklingar, félagasamtök, fyrirtæki, stofnanir og sveitarfélög á Norðurlandi vestra. Menningarráð hefur ákveðið að þau menningarverkefni hafi forgang sem uppfylla eitt eða fleiri eftirtalinna atriða: · Verkefni með börnum og unglingum á öllu Norðurlandi vestra · Verkefni sem tengja ungt listafólk frá Norðurlandi vestra við heimabyggð · Verkefni sem leiða til samstarfs við aðra landshluta eða önnur lönd Umsóknir skulu vera á eyðublöðum Menningarráðs Norðurlands vestra sem hægt er að nálgast á heimasíðunni www.ssnv.is undir liðnum Menningarráð. Umsóknir skulu sendar Menningarfulltrúa Norðurlands vestra, Einbúastíg 2, 545 Skagaströnd, eigi síðar en 16. september 2013. Þær má senda rafrænt á netfangið menning@ssnv.is. Séu þær sendar í pósti skulu þær póststimplaðar eigi síðar en síðasta umsóknardag. Allar nánari upplýsingar og aðstoð veitir Ingibergur Guðmundsson menningarfulltrúi, símar 452 2901 / 892 3080, netfang menning@ssnv.is.

Fréttatilkynning Búast má við töluverðum töfum á umferð um Þverárfjall á tímabilinu frá kl. 17:00 – 23:00 í dag fimmtudaginn 29. ágúst vegna fjárrekstur um Norðurárdal, nánar tiltekið frá Þverá niður að Skrapatungurétt, en smölun þessi fylgir í kjölfarið á óveðursviðvörun Veðurstofu fyrir Norðurland nk. föstudag og laugardag. Vegfarendum er vinsamlegast bent á að fara um Vatnsskarð í staðinn. Blönduósi, 29. ágúst 2013 Bjarni Stefánsson, lögreglustj. á Blönduósi og Skagafirði

Hallbjörn Björnsson (Halli Boss) landar fiski úr Sigurði Hu við "Litlu bryggju". Á bryggjunni er Guðmundur J. Björnsson bróðir Hallbjörns og býr sig undir að tína fiskinn upp á kerruna sem sér í hornið á til vinstri. Faðir Hallbjörns, Björn Sigurðsson (d. 5.10.1999) frá Jaðri, smíðaði Sigurð Hu og reri á honum til fiskjar endrum og sinnum. Aðallega var báturinn þó gerður út á grásleppu af Sigurði Björnssyni bróður Hallbjörns og Guðmundar. Sigurður Hu er enn til og er í öruggri vörslu Sigurðar Björnssonar. Báturinn aftan við Sigurð Hu hét Ósk Hu og var í eigu Stefáns Stefánssonar (d. 2.1.1988). Aftast sér svo í Víking St 12 sem var í eigu Péturs Ástvaldssonar á Hólmavík. Pétur fórst ásamt öðrum manni með Víkingi í mars 1971. "Litla bryggjan" er nú löngu horfin en hún var um það bil þar sem nú er suð-austur hornið á Miðgarði (Arnarsbryggjunni). "Litla bryggjan" lækkaði fram til endans til að auðveldara væri að landa fiski við hana eftir stærð bátsins sem landað var úr. Maðurinn fremst á bryggjunni er óþekktur.

6 vikna Zumba námskeiðin hefjast 9. sept á Skagaströnd og 10. sept á Blönduósi Ef næg þáttaka fæst. Tímarnir verða á Blönduósi í Félagsheimilinu og á Skagaströnd í Félagsheimilinu Fellsborg 5-8 ára 1 x í viku 9-13 ára 1 x í viku 14—100 ára 2 x í viku Verð: 5-13 ára 6.500 kr 14—100 ára 15.000 kr ZUMBA PART’Y 1.000 kr Skráning á lindabj@simnet.is Síðasti skráningardagur og greiðsla námskeiðsgjalda er 5. september

Mjög áhugaverð fræðsla í upphafi skólastarfs fyrir alla starfsmenn skóla Húnavatnssýslna. Verkefni fræðsludagsins var tvíþætt, fyrir hádegi lærðu starfsmenn skólanna um grunnþátinn SJÁLFBÆRNI sem er einn af sex grunnþáttum nýrrar aðalnámskrár. Í starfi skólanna í vetur verður tími notaður til að skoða hvað verið er að gera og hvað gera þarf frekar til að vinna í anda nýrrar aðalnámskrár og efla áherslur grunnþáttanna í skólastarfinu. Ný aðalnámskrá og grunnþættirnir sex, læsi í víðum skilningi, sjálfbærni, heilbrigði og velferð, lýðræði og mannréttindi, jafnrétti, sköpun, eiga að vera öllu skólastarfi leiðarvísir og fyrirmynd um áherslur, vinnulag og framsetningu. Allt efnisval og inntak kennslu, leiks og náms skal mótast af grunnþáttunum. Eftir hádegi lærðu starfsmenn hvernig nýta má spil til að efla ýmsa færni- og getu hjá nemendum og skemmta sér um leið. Námskeiðið var skipulagt af skólastjórum grunnskólanna og Fræðsluskrifstofu A-Hún. og haldið í Félagsheimilinu á Blönduósi. Þátttakendur voru 89 og lýstu þeir mikilli ánægju með daginn. Mynd: Þátttakendur og leiðbeinendur.